Trium Puerorum (Dan 3, 57-88, 56)

No te levantes nunca de tu asiento en la misa sin haber dado las gracias por la maravilla a la que hemos asistido y/o comulgado. Puedes hacerlo de muchos modos, y ésta oración es muy tradicional y de la liturgia, lo que le da un plus. Ya pondré su traducción pues es una letanía de alabanza muy hermosa.

Trium Puerorum (Dan 3, 57-88, 56)

Ant. Trium puerorum * cantemus hymnum, quem cantabant sancti in camino ignis, benedicentes Dominum. (T.P. Alleluia.)

Benedicite, omnia opera Domini, Domino,* laudate et superexaltate eum in sæcula.

Benedicite, cæli, Domino,* benedicite, angeli Domini, Domino.

Benedicite, aquæ omnes quæ super cælos sunt Domino,* benedicat omnis virtus Domino.

Benedicite, sol et luna, Domino,* benedicite, stellæ cæli, Domino.

Benedicite, omnis imber et ros, Domino,* benedicite, omnes venti, Domino.

Benedicite, ignis et æstus, Domino,* benedicite, frigus et æstus, Domino.

Benedicite, rores et pruina, Domino,* benedicite, gelu et frigus, Domino.

Benedicite, glacies et nives, Domino,* benedicite, noctes et dies, Domino.

Benedicite, lux et tenebræ, Domino,* benedicite, fulgura et nubes, Domino.

Benedicat terra Dominum,* laudet et superexaltet eum in sæcula.

Benedicite, montes et colles, Domino,* benedicite, universa germinantia in terra, Domino.

Benedicite, maria et flumina, Domino,* benedicite, fontes, Domino.

Benedicite, cete et omnia quæ moventur in aquis, Domino,* benedicite, omnes volucres cæli, Domino.

Benedicite, omnes bestiæ et pecora, Domino,* benedicite, filii hominum, Domino.

Benedic, Israël, Domino,* laudate et superexaltate eum in sæcula.

Benedicite, sacerdotes Domini, Domino,* benedicite, servi Domini, Domino.

Benedicite, spiritus et animæ justorum, Domino,* benedicite, sancti et humiles corde, Domino.

Benedicite, Anania, Azaria, Misaël, Domino,* laudate et superexaltate eum in sæcula.

Benedicamus Patrem et Filium cum Sancto Spiritu;* laudemus et superexaltemus eum in sæcula.

Benedictus es in firmamento cæli * et laudabilis et gloriosus in sæcula.


Hic non dicitur Gloria Patri, neque Amen.Psalmus 150


Laudate Dominum in sanctuario eius,* laudate eum in firmamento virtutis eius.

Laudate eum in magnalibus eius,* laudate eum secundum multitudinem magnitudinis eius.

Laudate eum in sono tubæ,* laudate eum in psalterio et cithara.

Laudate eum in tympano et choro,* laudate eum in chordis et organo.

Laudate eum in cymbalis benesonantibus,* laudate eum in cymbalis iubilationis:* omne quod spirat, laudet Dominum.

Gloria Patri.

Ant. Trium puerorum * cantemus hymnum, quem cantabant sancti in camino ignis, benedicentes Dominum. (T.P. Alleluia.)

Kyrie, eléison. Christe, eléison. Kyrie, eléison.

Pater noster.

V. Et ne nos inducas in tentationem.
R. Sed libera nos a malo.

V. Confiteantur tibi, Domine, omnia opera tua.
R. Et sancti tui benedicant tibi.

V. Exsultabunt sancti in gloria.
R. Lætabuntur in cubilibus suis.

V. Non nobis, Domine, non nobis.
R. Sed nomini tuo da gloriam.

V. Domine, exaudi orationem meam.
R. Et clamor meus ad te veniat.


Sacerdos addunt:
V. Dominus vobiscum.
R. Et cum spiritu tuo.



OREMUS
Deus, qui tribus pueris mitigasti flammas ignium: concede propitius; ut nos famulos tuos non exurat flamma vitiorum.Actiones nostras, quæsumus, Domine, aspirando præveni et adjuvando prosequere: ut cuncta nostra oratio et operatio a te semper incipiat, et per te coepta finiatur.Da nobis, quæsumus, Domine, vitiorum nostrorum flammas exstinguere: qui beato Laurentio tribuisti tormentorum suorum incendia superare. Per Christum Dominum nostrum.
R. Amen.